OPPTUR SOGN skildrar dei beste turane i Sogn, frå høgfjellet til havet – og det er aldri langt til Sognefjorden, den lengste og kanskje flottaste av alle norske fjordar. Her er turar som passar for alle, anten du vil ha ein utfordrande topptur, ein hyttetur, ein fin ettermiddagstur eller ein tur med borna. Klassikarane er sjølvsagt med: Aurlandsdalen, Kongevegen over Filefjell, Vettisfossen, Fanaråken, Molden, Keipen og Lihesten.OPPTUR SOGN inneheld omtale av 93 flotte turar i desse områda: Aurland, Lærdal, Årdal, Luster, Sogndal, Leikanger, Balestrand, Vik, Høyanger, Gulen, Solund og Hyllestad. Boka gir deg alt du treng for å planleggje turane, med gode skildringar og detaljerte kart til kvar tur.Kvart kart i denne boka er utstyrt med ein QR-kode. Skann koden med mobilkameraet, så kan du enkelt følgje turforslaget på telefonen.Naturen ligg og ventar – resten er opp til deg. God OPPTUR!Torkjell Djupedal (f. 1957) er journalist, forleggjar og forfattar, busett i Førde. Han er ein ivrig friluftsmann og kjenner særleg Vestlandet godt. Han har skrive mange bøker, fleire med kulturhistoriske emne, og fem andre Opptur-bøker.
Klikk her for å se hvem Boktyven anbefaler basert på pris og leveringsvilkår.
