Geværlagførar Kjartan Fløgstad er framleis på utkikkspostane, no som før med kikkert og notatblokk. Der framme, til dømes på opne plassar i Brussel eller i jungelen i Guatemala, ser han alt det vi andre ikkje får med oss, men som han med rette meiner vi treng vite. Skriftarbeid er eit spenstig arkiv frå år med gjennomborande og lystig rapportering frå fortid og samtid. Her er strid om «klassereiser», om Forfatterforeningens snubling i antroposofisk revisjonisme, om den såkalla tyske avnazifiseringa. Vidare om Kierkegaardsvergar på kne, multikulturalisme, konflikten mellom barbari og sivilisasjon, om kunsten som bitcoin for den kreative klassen, kulturborgarskapets universelle fornuft, intuisjon og fotball, konjunktiv og kjærleik i det spanske språket, heimekontorets utsyn mot kulturindustrien, biletkunst og forfattarvener. Og sjølvsagt om Alf Prøysen og Vidar Sandbeck, om songlyrikken på folkemålet, som bind oss saman.
Klikk her for å se hvem Boktyven anbefaler basert på pris og leveringsvilkår.
Boktyven fører dessverre ikke prishistorikk for denne boken, da den ikke er en del av hovedutvalget vårt.
